«Комо»нинг собиқ ҳужумчиси, ҳозирда «Леганес»да тўп тепаётган Алваро Мората Франсеск Фабрегас топ-клубни бошқаришга тайёр эканини айтди.
«Фабрегас билан кўп суҳбатлашдик. Менда қолиш учун вазият йўқдек туюлди. Ўтган мавсумни яхши бошлагандим, аммо кейин жароҳат олдим. Бу жуда жиддий эди, ҳеч қачон бундай турдаги жароҳат олмаганман.
У — ажойиб мураббий. У «Комо»да истаганича қолишига шубҳа қилмайман. Менимча, у жаҳон футболидаги исталган топ-клубда ишлашга аллақачон тўлиқ тайёр.
Фабрегасни жуда ақлли инсон деб биламан. У Конте ва Моуриниодан, шунингдек, Гвардиоладан кўп нарсаларни ўрганди. Менимча, Сеск у ёки бу тарзда уларнинг ҳар биридан нимадир ўзлаштирган. Уни фақат масофадан туриб қўллаб-қувватлашим ва ҳар доимгидек, мен учун қилган барча ишлари учун унга миннатдорчилик билдиришим мумкин», — дея Моратанинг сўзларини келтиради Goal.
Маълумот учун, испаниялик мутахассис бошқарувидаги «Комо» ўтган мавсум якунларига кўра илк бор ЕЧЛга йўл олди. Жамоа бу мавсумда А Серияда 4 ўйинда 10 очко тўплаб, 3-ўринни эгаллаб турибди.
