«Aston Villa» Turkiya chempionatidan transferni amalga oshirdi.
Birminghem klubi «Qosimposho»ning 19 yoshli himoyachisi Yosin O‘zjanni o‘z safiga qo‘shib oldi.
Turkiyalik futbolchi transferi uchun 7 mln yevro to‘landi va u bilan 2029 yil yozigacha mo‘ljallangan shartnoma imzolandi.
O‘zjan o‘tgan mavsumda Turkiya chempionatida 34 ta bahsda maydonga tushib, 1 ta golli uzatmani amalga oshirgan. U markaziy himoya va chap qanot himoyasi pozisiyalarida o‘ynay oladi.
«Aston Villa» avvalroq Rashford, Asensio va boshqa bir qator futbolchilar bilan xayrlashganini e'lon qilgandi.
