«Arsenal» Angliya milliy jamoasi yarimhimoyachisi Deklan Rays bilan shartnomani uzaytirishni rejalashtirmoqda. Bu haqda The Guardian xabar berdi.
Manbaga ko‘ra, 27 yoshli futbolchining amaldagi shartnomasi yana ikki yilga mo‘ljallangan. Shuningdek, London klubi kelishuvni yana bir mavsumga uzaytirish huquqiga ega. Shunga qaramay, «Arsenal» rahbariyati Rays bilan yangi shartlarni kelishib, uzoq muddatli shartnoma imzolamoqchi.
Rays 2023 yilning yozida «Vest Hem»dan «Arsenal»ga ko‘chib o‘tgandi. Transfer summasi 115 million yevrodan biroz oshgan, yana 6 million yevro bonuslar ko‘rinishida belgilangan.
Angliyalik yarimhimoyachi London klubi safida o‘tgan mavsumda Angliya Premyer-ligasi chempionligini qo‘lga kiritdi.
Ma’lumot uchun, Rays «Arsenal» safida 2023 yildan buyon o‘ynamoqda.
Muxlislar bu yangilikni Telegram’da muhokama qilmoqda
Izohlar Telegram’da ochiladi