2005-yil tavallud topgan futbolchi uchun poygada londonliklar yetakchilik qilmoqda, deb xabar bermoqda football.london.
Manbaning ma’lumotlariga ko‘ra, «Inter» hujumchisi Pio Espozito ushbu transfer oynasi davrida klubini o‘zgartirishi mumkin.
Futbolchiga APL top klublari e’tibor qaratgan. Jumladan, Espozito xizmatlariga Londonning «Arsenal» va Manchesterning «Manchester Yunayted» klublari qiziqish bildirmoqda. Futbolchining o‘zi ham faoliyatini APLda davom ettirish variantiga qiziqish bilan qaramoqda, ammo «Inter»dan ketishini tezlashtirish niyatida emas.
Eslatib o‘tamiz, APL o‘tgan mavsumida «Arsenal» 22-yil kutilgan chempionlikni qo‘lga kiritgan bo‘lsa, «Manchester Yunayted» uchinchi pog‘onani band qildi.
Ma’lumot uchun, Espozito o‘tgan mavsum A Seriyaning 36 o‘yinida maydonga tushib, 7 ta gol urdi va 5 ta golli uzatma yetkazib berdi.
