Бу ҳақда The Sun нашри хабар берди.
Австралия миллий жамоаси сафида ЖЧ-2026да иштирок этган Кристиан Волпато тезликни оширгани учун полиция томонидан тўхтатилганидан сўнг, кокаинга топширган тести ижобий чиқди.
Манбанинг хабар беришича, футболчини бир кечада икки марта тезликни оширгани учун тўхтатишган.
Маълумотларга қараганда, пайшанба оқшомида Волпато полиция томонидан илк бор тўхтатилганда, у тезлик 60 км/соат этиб белгиланган ҳудудда BMW автомобилини тахминан 94 км/соат тезликда бошқараётган бўлган. Тест унинг қонида алкогол борлигини кўрсатмаган. Бироқ орадан икки соат ўтгач, у полиция ходимлари томонидан яна тўхтатилган ва бу сафарги тест унинг организмида кокаин моддаси борлигини аниқлаган.
«Сассуоло» футболчиси ўша чеклов 60 км/соат бўлган ҳудудда 109 км/соат тезликда ҳаракатланаётган эди. Унга тезликни оширгани учун жарима солинди ва халқаро ҳайдовчилик гувоҳномасининг амал қилиши олти ойга тўхтатиб қўйилди.
ЖЧ-2026да Волпато Австралия миллий жамоаси билан 1/16 финал босқичигача етиб борган ва Мисрга имкониятни бой берган (1:1, пенальтилар сериясида 2:4). 22 ёшли футболчининг ўзи учта учрашувда майдонга тушиб, самарали ҳаракатлар амалга оширмаган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади