Bu haqda The Sun nashri xabar berdi.
Avstraliya milliy jamoasi safida JCH-2026da ishtirok etgan Kristian Volpato tezlikni oshirgani uchun politsiya tomonidan to‘xtatilganidan so‘ng, kokainga topshirgan testi ijobiy chiqdi.
Manbaning xabar berishicha, futbolchini bir kechada ikki marta tezlikni oshirgani uchun to‘xtatishgan.
Ma’lumotlarga qaraganda, payshanba oqshomida Volpato politsiya tomonidan ilk bor to‘xtatilganda, u tezlik 60 km/soat etib belgilangan hududda BMW avtomobilini taxminan 94 km/soat tezlikda boshqarayotgan bo‘lgan. Test uning qonida alkogol borligini ko‘rsatmagan. Biroq oradan ikki soat o‘tgach, u politsiya xodimlari tomonidan yana to‘xtatilgan va bu safargi test uning organizmida kokain moddasi borligini aniqlagan.
«Sassuolo» futbolchisi o‘sha cheklov 60 km/soat bo‘lgan hududda 109 km/soat tezlikda harakatlanayotgan edi. Unga tezlikni oshirgani uchun jarima solindi va xalqaro haydovchilik guvohnomasining amal qilishi olti oyga to‘xtatib qo‘yildi.
JCH-2026da Volpato Avstraliya milliy jamoasi bilan 1/16 final bosqichigacha yetib borgan va Misrga imkoniyatni boy bergan (1:1, penaltilar seriyasida 2:4). 22 yoshli futbolchining o‘zi uchta uchrashuvda maydonga tushib, samarali harakatlar amalga oshirmagan.
Muxlislar bu yangilikni Telegram’da muhokama qilmoqda
Izohlar Telegram’da ochiladi