H гуруҳида 3-тур баҳслари йирик ҳисоблар билан якунланди. «Насаф» ўз майдонида «Шўртан» дарвозасига жавобсиз тўртта гол урган бўлса, «Андижон» сафарда «Ҳавоканд» устидан 8:1 ҳисобидаги йирик ғалабани қайд этди. Мазкур натижалардан кейин ҳар икки жамоа плей-офф босқичига чиқди.
«Насаф» баҳс давомида тўлиқ устунлик қилди. Қаршиликлар ҳисобни автогол эвазига очди, иккинчи бўлимда эса Шароф Муҳитдинов, Бобур Абдуҳолиқов ва яна бир автогол ҳисобни йирик кўринишга олиб келди.
«Андижон» эса «Ҳавоқанд»га қарши баҳсда ҳақиқий голлар шоусини намойиш этди. Пўлатхўжа Холдорхонов хет-трик қайд этди, Азизбек Турғунбоев эса дубл муаллифига айланди. Шунингдек, Усмонали Исмоналиев, Бекзод Сулаймонов ва Ҳамидулло Каримов ҳам ўз номини таблога ёздириб қўйди.
Мазкур натижалардан кейин «Насаф» ва «Андижон» 7 тадан очко тўплаб, плей-офф босқичига йўл олди. «Шўртан» 3 очко билан учинчи, «Ҳавоқанд» эса очкосиз ҳолда гуруҳда қолиб кетди.
Ўзбекистон кубоги. 3-тур
Насаф – Шўртан 4:0
Голлар: Шоҳруҳ Эшбўтаев 15 автогол (1:0), Шароф Муҳитдинов 48 (2:0), Улуғбек Худайбердиев 80 автогол (3:0), Бобур Абдуҳолиқов 90+1 (4:0).
Насаф: Самандар Муратбаев, Ғолиб Ғайбуллаев, Зафармурод Абдирахматов, Бобур Абдуҳолиқов, Шароф Муҳитдинов, Ойбек Рустамов, Мурод Раҳматов, Юсуф Отубанжо, Диёр Абдуназаров, Дилшод Муртазаев, Қувонч Хушвақтов.
Шўртан: Шоҳруҳжон Эшбўтаев, Улуғбек Худойбердиев, Шаҳбоз Нуриддинов, Олавале Теҳе, Леван Барабадзе, Жўрабек Маннонов, Бека Харшиладзе, Даниел Насриддинов, Миржалол Жумаев, Бекзод Сувонов, Диёрбек Асомиддинов.
Ўзбекистон кубоги. 3-тур
Ҳавоқанд – Андижон 1:8
Голлар: Усмонали Исмоналиев 7 (0:1), Бекзод Сулаймонов 13 (0:2), Азизбек Турғунбоев 20 (0:3), Пўлатхўжа Холдорхонов 22 (0:4), Азизбек Турғунбоев 32 (0:5), Ихтиёр Аҳмаджонов 45+2 (1:5), Пўлатхўжа Холдорхонов 72 (1:6), Ҳамидулло Каримов 74 (1:7), Пўлатхўжа Холдорхонов 90+3 (1:8).
Ҳавоқанд: Муҳаммадамин Валиев, Азизбек Иброҳимов, Элбек Турғуналиев, Барҳаётжон Саидаҳмаджонов, Асроржон Қурбонов, Илҳомжон Туробжонов, Сардорбек Раҳимов, Абубакрсиддиқ Тоштемиров, Хафизжон Одилов, Ихтиёржон Аҳмаджонов, Озодбек Аҳмаджонов.
Андижон: Нематуллоҳ Рустамжонов, Одилбек Абдумажидов, Пўлатхўжа Холдорхонов, Ҳумоюнмирзо Иминов, Абдураҳмон Комилов, Азизбек Турғунбоев, Дамир Темиров, Ислом Тўхтахўжаев, Усмонали Исмоналиев, Муҳаммадкарим Тоиров, Бекзод Сулаймонов.
