Туриннинг «Ювентус» клуби аргентиналик ҳужумчи Мауро Икардини ўз сафига қўшиб олиш имкониятини кўриб чиқмоқда. Бу ҳақда журналист Экрем Конур хабар берди.
«Зебралар» ҳужум чизиғини кучайтириш мақсадида 33 ёшли футболчини таклиф этишга жиддий қизиқиш билдирмоқда. Айни пайтда Икарди эркин агент мақомида бўлиб, исталган клуб билан шартнома имзолаш имкониятига эга.
Аргентиналик футболчи учун Италия чемпионати бегона эмас. У аввалроқ «Сампдория» ва Миланнинг «Интер» клубларида тўп тепган. Айниқса, «Интер»даги фаолияти давомида у ўзининг сермаҳсул ўйинлари билан танилган.
Икардининг сўнгги клуби Туркиянинг «Галатасарой» жамоаси бўлганди. Ўтган мавсумда ҳужумчи Туркия Суперлигасида 31 учрашув ўтказиб, 14 та гол урган ва битта голли узатмани амалга оширган.
Аввалроқ Икарди фаолиятини «Тоттенҳэм»да давом эттириши мумкинлиги маълум қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади