«Айнтрахт» ҳужумчиси Юнес Эбнуталиб фаолиятини Италия чемпионатида давом эттириши мумкин. Бу ҳақда инсайдер Экрем Конур хабар берди.
Манбага кўра, Туриннинг «Ювентус» клуби германиялик 23 ёшли футболчини ўз сафига қўшиб олишга қизиқиш билдирмоқда. Футболчининг трансфер қиймати 18 миллион евро атрофида баҳоланмоқда.
Эбнуталиб сентябр ойида Германия миллий жамоасига илк бор чақирув олган эди. У бу мавсумда Бундеслига доирасида «Айнтрахт» сафида 8 та учрашувда майдонга тушиб, 6 та гол урди ва битта голли узатмани амалга оширди.
Ёш ҳужумчининг Франкфурт клуби билан амалдаги шартномаси 2031 йилнинг 30 июнига қадар мўлжалланган.
Аввалроқ жамоа ҳужум чизиғини кучайтириш бўйича бир нечта форвардларни кузаётгани ҳақида хабарлар тарқалганди.
