Япониянинг даража жиҳатидан учинчи дивизионида ҳаракат қиладиган «Фукусима Юнайтед» сафида ўйнаётган яримҳимоячи Кадзуйоси Миура Император кубоги доирасидаги учрашувда икки марта гол урди.
Миура «Ояма»га қарши баҳсда дубл қайд этиб, жамоасининг 7:0 ҳисобидаги йирик ғалабасига ҳисса қўшди. Маълумот ўрнида, июл ойида Кадзуйоси қарийб 4 йиллик танаффусдан сўнг расмий учрашувлардаги илк голини урганди.
Қайд этиш лозим, 59 ёшли Миура фаолиятини давом эттираётган энг ёши катта профессионал футболчи ҳисобланади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади