«Барселона» спорт вице-президенти Рафаел Юсте жамоа ҳужумчиси Ламин Ямал 2026 йилги «Олтин тўп»ни қўлга киритишга лойиқ эканини таъкидлади.
«Ямал бутун дунё ёшларига катта умид бахш этаётган ёш футболчи. Унинг ёшида бундай даҳога эга бўлиши ақл бовар қилмайди. Мен кўп йиллардан бери у каби футболчини кўрмаганман. Шунинг учун адолат қарор топишига ва у муносиб «Олтин тўп»ни қўлга киритишига ишонаман.
У бутун дунёдаги кўплаб ўғил-қизларга, шунингдек, футболни яхши кўрадиган бизга тақдим этаётган бахти учун бу совринга лойиқ. Адолат қарор топиши керак. У ўзи ва кўплаб инсонларни бахтли қилаётгани учун ҳам ҳамма нарсага лойиқ», — деди Юсте Sport.es нашрига.
Эслатиб ўтамиз, Ламин Ямал 2026 йилги «Олтин тўп» учун 30 нафар номзод қаторидан жой олган.
Маълумот учун, 19 ёшли ҳужумчи «Барселона»нинг асосий таркибида мунтазам ўйнамоқда.
