«Барселона» бош мураббийи Ҳанси-Дитер Флик жамоа учун Чемпионлар лигаси билан бир қаторда Ла Лигадаги кетма-кет учинчи чемпионлик ҳам муҳимлигини таъкидлади.
«Ҳамма Чемпионлар лигасида ғалаба қозонишни хоҳлайди, бу бизнинг орзумиз. Аммо кетма-кет учинчи марта чемпионликни қўлга киритиш ҳам муҳим. Бу ажойиб натижа бўларди. Олдинда ҳали кўплаб баҳслар бор. Биз қадам-бақадам ҳаракат қиламиз», — деди Флик матбуот анжуманида.
Эслатиб ўтамиз, «Барселона» Чемпионлар лигасининг ушбу мавсумидаги илк баҳсида ўз майдонида «Фейеноорд»ни 5:1 ҳисобида мағлуб этди.
Маълумот учун, Ла Лигада каталонияликлар 12 очко билан турнир жадвалида пешқадамлик қилмоқда. Ҳанси-Дитер Флик шогирдлари навбатдаги турда 13 сентябр куни сафарда «Леванте»га қарши баҳс олиб боради.
