«Ювентус» ҳужумчиси Душан Влаҳович «Бешиктош»нинг йилига 10 миллион евро маош таклифини кўриб чиқишга тайёр. Бу ҳақда Football Italia хабар берди.
Сербиялик форвард 30 июндан буён «Ювентус» билан шартномаси якунига етгани сабаб эркин агент мақомида. Дастлаб Влаҳович А Серия, АПЛ ва Ла Лига етакчи клубларидан таклиф олишни кутган, аммо ушбу лигалардан жиддий қизиқиш бўлмаган.
Туркияликлар эса шартнома имзолагани учун Душанга катта бонус ва унинг агентига қўшимча тўлов ҳам таклиф қилмоқда. «Бешиктош» Влаҳовичдан келаси ҳафта охирига қадар жавоб олишни кутмоқда.
Аввалроқ Душан А Сериянинг бошқа клубига ўтиши мумкинлиги маълум қилинганди.
