«Манчестер Сити» бош мураббийи Энцо Мареска жамоага келиши футболчилар учун ўзини қайтадан намоён этиш имконини берганини таъкидлади.
«Жамоага келган кунимоқ, футболчиларга айтган ягона гапим шу бўлди: мен учун бу – тўлиқ қайта бошлаш. Ҳар бир футболчи менинг кўзимда нолдан, бир хил старт чизиғидан бошлайди. Ёзги йиғинлар, маълум маънода, трансфер ойнаси қандай кечишини ҳам белгилаб беради.
Футболчилар янги мураббий билан ишлашга тайёр эканини кўрсатишди. Биз тактик қурилишларда, тўп билан ва тўпсиз ўйинда айрим ўзгаришлар киритдик, бошқа жиҳатларга ҳам эътибор қаратдик. Асосий янгилик шу, аммо бу ерда йиллаб меҳнат қилаётганларнинг ишга бўлган муносабати ҳам жуда муҳим. Биргаликда ўтказган шу 10 кунимиз катта аҳамиятга эга. Менга футболчилар билан яқин алоқа керак, бу келажак учун жуда муҳим», — дея Маресканинг сўзларидан келтиради клуб матбуот хизмати.
