«Вилярреал» клуби бу мавсум якунида бош мураббий Марселино Торал жамоани тарк этишини расман маълум қилди.
Мутасаддининг клуб билан шартномаси 2026 йилнинг ёзига қадар амал қилади.
«Марс, бу клуб ва унинг мухлислари учун қилган барча ишларинг учун чин юракдан катта раҳмат. Келгуси спорт лойиҳаларингда сенга энг яхши тилакларни тилаймиз», — дейилади клубнинг Х ижтимоий тармоғидаги хабарда.
Эслатиб ўтамиз, Марселино Торал 2023 йилнинг ноябрь ойида «Вилярреал»ни қайта бошқарувига олди. Бунгача у 2013 йилдан 2016 йилгача «субмарина»да ишлаган. Шундан сўнг «Валенсия», «Атлетик» ва «Марсел» клубларига мураббийлик қилган.
Ҳозирда «Вилярреал» 68 очко Ла Лиганинг турнир жадвалида учинчи ўринни эгаллаб турибди.
