Ўзбекистон миллий жамоаси ҳимоячиси Ҳусниддин Алиқулов Туркия Суперлигасининг 18-турида «Гёзтепе»га қарши баҳсида жароҳат олганди.
Клуб тиббий комиссияси раиси, профессиор Ҳасан Турут футболчининг соғлиғи борасида расмий маълумот берди.
Унга кўра, Алиқуловнинг жароҳати кутилганидан ҳам оғир бўлиб чиққан. Аниқланишича, ҳимоячининг чап тиззасида бир нечта жиддий шикастланиш ҳолатлари кузатилган.
Шифокорларнинг қарорига кўра, Алиқулов яқин кунларда жарроҳлик столига ётади. Унинг яшил майдонларга қайтиши учун тахминан 6 ойдан 9 ойгача вақт талаб этилади.
Шундай қилиб, Ҳусниддин миллий жамоа билан жаҳон чемпионатини ўтказиб юбориши мумкин.
