«Бавария» ва Франция миллий жамоаси ҳимоячиси Упамекано ўз жамоадоши, Германия миллий жамоаси ҳимоячиси Жонатан Тага нисбатан ирқчилик изоҳларига муносабат билдирди.
Жонатан Та Парагвайга қарши ўйинда пеналтидан фойдалана олмаганидан сўнг, ирқчиликка дучор бўлди. Ўйин 1:1 (3:4 пеналтилар серияси) ҳисобида тугаганди. Ушбу баҳс жаҳон чемпионати — 2026 1/16 финал босқичи доирасида бўлиб ўтди.
«У билан алоқадаман. Ўйиндан кейин унга ёздим ва жуда кучли шахс эканлигини биламан. Шундай инсон билан бир жамоада ўйнаш жуда ёқимли — унинг ажойиб менталитети бор. Жонатан ўзи ўша пеналтини тепишни хоҳлади, чунки у доимо шундай кайфиятга эга эди. У Германия миллий жамоаси ва «Бавария» учун жуда муҳим футболчи. Нега ҳали ҳам шундай одамлар борлигини тушунмайман — мен ирқчиликни қабул қилмайман. Аммо у бунга эътибор бермаслиги керак. Шунчаки олға ҳаракат қилиши ва бор кучини бериш лозим», — дейди Упамекано Sky Sport Germany журналисти Керри Ҳауга интервюда.
Жаҳон чемпионати-2026 АҚШ, Мексика ва Канадада ўтказилаётган мусобақа 19 июлда якунланади. Жаҳоннинг амалдаги чемпиони Аргентина миллий жамоаси ҳисобланади.
