АҚШнинг Ню-Йорк шаҳрида бўлиб ўтган UFC 322 турнирида яримўрта вазнда Жек Делла Маддалена (18–3) ва Ислам Махачев (28–1) ўртасида чемпионлик жанги ўтказилди.
Унда Махачев ҳакамларнинг якдил қарори билан (50–45) ғалаба қозонди. Маддалена учун бу камарни ҳимоя қилиш бўйича биринчи жанг эди, Махачев эса яримўрта дивизионда дебютини нишонлади.
Бундан аввал Ислам енгил вазндаги камарни 4 марта ҳимоя қилган ва кейинчалик ундан воз кечган эди. Маддалена эса Махачевгача кетма-кет 8 та жангдан бери мағлубиятсиз серия қайд этиб келаётган эди. Шунингдек, Махачев икки вазн тоифасида камарни қўлга киритган илк россиялик жангчига айланди.
Аввалроқ Жек Исламга қарши жангда аутсайдер эканлигини айтиб ўтганди.
