Англия миллий жамоаси собиқ сардори Жон Терри ҳазил тариқасида Португалия миллий жамоаси ҳужумчиси Криштиану Роналдуни ёлғончи деб атади. Бунга эса футболчининг журналист Пирс Морганнинг жисмоний ҳолати ҳақида айтган гапи сабаб бўлган.
Жаҳон чемпионати 1-туридаги омадсизликдан кейин 41 ёшли Роналдуни ҳимоя қилишга уринган Пирс португалиялик бир марта унинг жисмоний ҳолатини мақтаганини ёдга олди. «Твиттердаги саҳифамда видео бор, унда Роналду менга қараб шундай деган: «Ҳа, сенинг жисмоний ҳолатинг (прессинг) ажойиб», — бўлишди Морган.
Шу пайт студияда бўлган Терри лаҳза ўтмай, бунга муносабат билдирди. «У ажойиб футболчи ва лаънати ёлғончи», – дея унинг сўзларини келтиради A Bola.
Маълумот учун, ЖЧ‑2026 1-турида Конго ДР (1:1) дарвозасига йўл топа олмаган Роналду 2-турда Ўзбекистон миллий жамоаси билан баҳсда (5:0) дубл расмийлаштирди.
