Рибакина ва Соболенко – 1994 йилдан буён бир мавсумда «Катта дубулға» туркумига кирувчи иккита ҳард қопламали кортдаги мусобақалар финалида рўбарў келадиган илк жуфтлик ҳисобланади.
1988 йилда «Катта дубулға» туркумидаги Australian Open турнири ҳард қопламали кортда ўтказиладиган мусобақага айланганидан буён энди 2-бор бир мавсумда ушбу қопламадаги иккита йирик турнир финалида айни бир жуфтлик ўзаро тўқнаш келади.
Эслатиб ўтамиз, US Open-2026 турнири финалида дунёнинг икки энг кучли аёл теннисчилари: беларуслик Арина Соболенко ҳамда қозоғистонлик Елена Рибакина куч синашади. Финалга чиққани ва чемпионликни қўлга киритиш эҳтимоли борлигига қарамай, Соболенко турнир якунида WTA рейтингидаги биринчи поғонасини бой беради ва айнан унинг ҳал қилувчи баҳсдаги рақибаси Рибакина етакчиликни ўз қўлига олади.
Бунга қадар теннисчи қизлар шу йилнинг январ ойида ўтган Australian Open-2026 мусобақасида, яъни ҳард қопламали кортда ўтган «Катта дубулға» туркумига кирувчи мусобақа финалида ўзаро рўабрў келган эди. Ўшанда Рибакина 6:4, 4:6, 6:4 ҳисобида зафар қучган.
Илгари бир мавсум доирасида Australian Open ва US Open финалларида бир хил жуфтликнинг иштирок этиши фақат 1994 йилда кузатилган, ўшанда бу турнирларнинг ҳал қилувчи баҳсларида германиялик Штеффи Граф ва испаниялик Аранча Санчес-Викарио кортга чиққан эди.
