«Барселона» дарвозабони Войсех Шесни фаолиятидаги энг катта афсусларидан бирини ёдга олди.
36 ёшли полшалик дарвозабон «Арсенал» билан Премер-лигада чемпионликни қўлдан бой берганини унутолмайди.
«Мен «Арсенал»да ўйнаган мавсумлардан бирида биз узоқ вақт давомида чемпионатда етакчилик қилдик, аммо охир-оқибат чемпионликни қўлдан бой бердик. Лигада энг яхши бўлганимизни ҳис қилардим, аммо жамоамиз жуда ёш ва тажрибасиз эди, якунда бу ўз ролини ўйнади.
Бу ҳали ҳам менга тинчлик бермайдиган ҳолат, чунки АПЛ чемпионлиги мен жуда хоҳлаган, лекин ҳеч қачон қўлга кирита олмаган ягона совриндир. Шунга қарамай, фаолиятимнинг энг гўзал қисмини айнан «Арсенал»да ўтказган бўлсам керак», - дея дарвозабоннинг сўзларидан иқтибос келтиради The Athletic.
Маълумот учун, Шесни 2017 йилда лондонликлар сафини тарк этган.
