«Шалке» клуби форвард Эдин Жеко билан шартномани узайтирмоқчи. Бу ҳақда инсайдер Николо Скира хабар берди.
Манбага кўра, немис клуби босниялик 40 ёшли форвард билан 2027 йилнинг ёзига қадар янги битим имзоламоқчи.
Жеко келажаги борасида бир қарорга келмади. У жаҳон чемпионати стартига қадар ҳаммасига ойдинлик киритиши кутилмоқда.
Эслатиб ўтамиз, Жеко «Шалке»да йил бошидан бери ўйнаб келмоқда. Унинг амалдаги битими 30 июнга қадар амал қилади. Бу вақт давомида 9 та ўйинда майдонга тушиб, 6 та гол урди ва 3 ассистни қайд этди.
Маълумот учун, Эдин илгари «Фиорентина», «Фенербаҳче», «Интер», «Рома», «Манчестер Сити», «Волфсбург», «Теплице» ва «Железничар» жамоаларида ўйнаган.
Аввалроқ гелзенкирхен клуби Бундеслига йўлланмасини қўлга киритганди.
