Португалиялик футболчи Криштиану Роналду «Ан Наср» раҳбарияти олдига қатъий талаблар қўйди. Бу ҳақда 365 Scores хабар берди.
41 ёшли футболчи клубнинг таркибни кучайтириш ишларига маъмурий аралашув бўлмаслигини талаб қилмоқда. Унинг фикрича, бу жараён билан шуғулланаётган директорлар янги футболчиларни танлашда тўлиқ мустақил бўлиши керак.
«Роналду футболчиларни харид қилиш ва жамоадан кетишига оид қарорлар ички тўсиқларсиз, фақат аниқ спорт мезонлари асосида қабул қилинишини истайди. Бу клубнинг юқори мақсадларини сақлаб қолиш учун муҳим», — дейилади хабарда.
Бундан ташқари, Роналду «Ан Наср» учун янги футболчи номзодини ҳам белгилаб бўлган. У «Манчестер Юнайтед» яримҳимоячиси Бруну Фернандешни Риёд клубига ўтишга кўндириш учун ҳаракат қилмоқда.
Аввалроқ Криштиану ижтимоий тармоқдаги провокацион постга «лайк» босгани маълум қилинганди.
