Ўзбекистонлик UFC жангчиси Богдан Гусков нега Магомед Анкалаевга қарши жангни қисқа муддатда қабул қилганини тушунтирди.
«Рақиб алмашганидан кейин тайёргарлик режасини ўзгартиришнинг ҳеч қандай маъноси йўқ эди. Бу аҳмоқлик бўларди, чунки вақт жуда кам.
Янги нарса устида ишлашга улгурмайсан. Эҳтимол, Блаховичга қарши тайёрланган режаларимизни кўрарсизлар.
Перейра қилган ишни такрорлашми? У ерда такрорлайдиган ҳеч нарса йўқ. У кўр-кўрона зарба берди ва нишонга тегди. Мен эса доим қаерга зарба бераётганимни кўриб ҳаракат қиламан.
Алекснинг зарба бериш маҳоратига ҳеч қандай эътирозим йўқ, аммо ўша вазиятда бу омадли зарба бўлган.
Масала Анкалаевни ютиш ёки юта олмасликда эмас. UFC менга собиқ чемпионга қарши жанг қилиш ва кейинги баҳсни чемпионлик камари учун ўтказиш имкониятини бермоқда.
Магомед ҳам бошқалар каби инсон. Агар одамларга кучли зарба берсангиз, улар йиқилади. Бу ерда асосий жангда ўзимни кўрсатиш ва юқорига кўтарилиш имконияти бор.
Ҳеч ким у билан жанг қилишни истамаяпти, мен эса шу ердаман», — деди Гусков.
Маълумот ўрнида, Магомед Анкалаев ва Богдан Гусков ўртасидаги жанг бугун, 25 июл куни Абу-Дабида ўтказиладиган UFC Fight Night турнирининг асосий баҳси бўлади.
