Тарихчи Фиоренцо Сантинининг 3 йиллик тадқиқоти давомида Лионел Мессининг шажараси бразилияликларга бориб тақалиши аниқланган.
Тадқиқотга кўра, Мессининг катта бобоси 1899 йилда Италиядан Бразилияга кўчиб келган. Кейинчалик эса оила Аргентинанинг Росарио шаҳрига кўчиб ўтган.
Бразилияда яшаган даврда оила аъзоларининг фамилияси ва айрим исмлари ўзгартирилган. Кочеттини фамилияси Куччитинига айланган.
«Ўша даврда муҳожирларнинг исми ва фамилиясини ўзгартириш одатий ҳол эди. Бу уларнинг она тилидаги имло ва талаффуз хусусиятлари билан боғлиқ қийинчиликлар сабаб амалга оширилган», — дейилади тадқиқотда.
Қайд этиш лозим, Лионелнинг катта бобоси Федерико айнан Бразилияда туғилган. Аввалроқ Месси ва де Паул жаҳон чемпионати финалидан сўнг жамоа билан Аргентинага учиб кетмагани маълум қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади