«Реал» клуби «Вилярреал»га қарши баҳсда ўтган беллашувда Винисиус Жуниорга берилган қизил карточка устидан апелляция бериш ниятида. Бу ҳақда Mundo Deportivo нашри хабар берди.
Эслатиб ўтамиз, бразилиялик футболчи гол урганидан кейин тўғридан тўғри қизил карточка олди. Ҳужум пайтида у рақиб ўйинчисининг сочидан тортган эди. Ҳакам видеотакрорни кўриб чиқиб, «қаймоқранглилар» юлдузини майдондан четлатишга қарор қилди.
Энди вингер икки ёки учта ўйиндан четлатилиши мумкин. Агар вазият шундай давом этса, Винисиус «Барселона»га қарши учрашувни ўтказиб юборишга мажбур бўлади.
Қайд этилишича, клуб апелляция беради, аммо дисквалификация муддати қисқаришига унчалик ишонмаяпти.
Аввалроқ клубдагилар Винисиуснинг хатти-ҳаракатларидан хавотирга тушганлиги хабар қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади