«Реал» бош мураббийи Жозе Моуринионинг жамоага қайтиши катта умидлар билан кутиб олинганди. Бироқ Мадрид клуби раҳбариятининг айрим вакиллари ҳозирги натижалардан норози. Бу ҳақда журналист Хорхе Пикон X ижтимоий тармоғида маълум қилди.
Журналистнинг ёзишича, ёзда португалиялик мутахассисга қарор қабул қилишда кенг ваколатлар берилган, жамоа таркибини шакллантиришда унинг фикри инобатга олинган ва таркибни кучайтириш учун маблағ ажратилган. Лекин ҳозирча клуб раҳбарияти кутилган ўзгаришларни кўрмаяпти.
Шу билан бирга, Моуринио футболчилар орасида қўллаб-қувватловга эга. Асосий эътирозлар клуб раҳбарияти томонидан бўлмоқда. Хусусан, раҳбариятнинг айрим вакилларига Диоманде асосий таркибда кам майдонга тушаётгани, шунингдек, Арда Гулернинг алмаштирилиши билан боғлиқ айрим қарорлар ёқмаган.
Клуб раҳбарияти Моуриниога берилган эркинлик жамоа ўйинида сезиларли ўзгаришларга олиб келишини кутган. Бироқ жамоанинг ҳаракатлари ва мураббий қарорларида ўтган мавсумдагидан катта фарқ кўринмаяпти.
Пиконнинг таъкидлашича, португалиялик мутахассиснинг қайтишидаги дастлабки иштиёқ ўрнини танқидий муносабат эгалламоқда. Клубнинг айрим вакиллари эса Моуринионинг ишига жиддий шубҳа билан қарай бошлаган.
Эслатиб ўтамиз, «қироллик клуби» Ла Лиганинг 7-тури доирасида «Севиля»ни йирик 4:1 ҳисобида мағлубиятга учратди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади