«Манчестер Сити» ҳужумчиси Эрлинг Ҳоланд ёзги трансфер ойнасида Испания чемпионатига кўчиб ўтиши мумкин.
Маълумотларга кўра, норвегиялик гол урар футболчига Мадриднинг «Реал» клуби жиддий қизиқиш билдирмоқда. «Қироллик клуби» раҳбарияти ҳужумчини ёзда ўз сафига қўшиб олиш имкониятини ўрганмоқда. Бу ҳақда аввал ҳам тез-тез хабарлар чиққан эди.
Ҳоланднинг «Манчестер Сити»ни тарк этиши Хосеп Гвардиола жамоа бош мураббийлигидан кетган тақдирда эҳтимоли ошиши айтилмоқда.
25 ёшли футболчининг трансфер қиймати тахминан 200 миллион еврога баҳоланмоқда. Унинг инглиз клуби билан амалдаги шартномаси 2034 йил июн ойининг охиригача амал қилади.
