«Реал» «Ювентус» ҳужумчиси Кенан Йилдизни трансфер қилишни режалаштирмоқда. Бу ҳақда La Gazzetta dello Sport хабар берди.
Манбага кўра, 21 ёшли футболчи клуб президенти Флорентино Перес учун «трансфер орзуси» ҳисобланади. Мадридликлар бир неча ойдан бери унинг ўйинини кузатиб келмоқда.
Қайд этилишича, туркиялик футболчи яқинда — жорий йил феврал ойида «Ювентус» билан шартномасини 2030 йилгача узайтирган. Бу эса эҳтимолий трансферни мураккаблаштиради.
Маълумот учун, Йилдиз ушбу мавсум барча мусобақаларда 45 та баҳсда майдонга тушиб, 11 та гол ва 10 та ассист қайд этган. Тransfermarkt порталига кўра, футболчининг бозор қиймати 75 миллион еврога баҳоланмоқда.
