UFC енгил вазн тоифаси жангчилари Арман Царукян (23–3) ва Маурисио Раффи (12–2) ўртасидаги жанг 20 сентябр куни Лос-Анжелесда ўтадиган UFC 331 турнирининг иккинчи асосий жанги бўлади.
Дастлаб Царукян Чарлз Оливейрага қарши октагонга чиқиши режалаштирилганди, аммо бразилиялик жангчи тўқнашувдан воз кечди.
Маълумот ўрнида, Царукян 2025 йил ноябр ойида Дэн Ҳукерни иккинчи раундда бўғиш усули билан мағлуб этганди. Айни пайтда у кетма-кет 5 та ғалабали серия қайд этмоқда.
Раффи эса 2026 йил июн ойида Майкл Чендлерни нокаутга учратган. Унинг UFC'даги 6 та жангида фақат битта мағлубият бор.
