Янги мавсумга жиддий ҳозирлик кўраётган ва таркибни кучайтириш борасида кенг кўламли ишларни амалга ошираётган «Нефтчи» клуби хорватиялик ҳужумчи Стипе Перица билан шартнома имзолаганини расман эълон қилди.
Стипе Перица 1995 йил 7 июл куни Хорватиянинг Задар шаҳрида туғилган. У футболчилик фаолиятини 2012 йилда бошлаган. 2013 йилдан буён ҳужумчи Европанинг бир қатор таниқли клубларида тўп тепган.
Жумладан, у Англиянинг «Челси» ва «Уотфорд», Италиянинг «Удинезе» ва «Фрозиноне», Туркиянинг «Қосимпошо», Исроилнинг «Маккаби Тел-Авив», Белгиянинг «Стандард Леж» ҳамда Руминиянинг «Динамо Бухарест» клублари сафида ўйнаган.
2013–2016 йиллар давомида Стипе Перица Хорватиянинг U-19, U-20 ва U-21 ёшлар жамоалари шарафини ҳимоя қилган. Шунингдек, у УEФА Конференциялар лигаси, Тото кубоги, Англия Лига кубоги, Нидерландия кубоги, Италия кубоги ва Белгия кубоги мусобақаларида иштирок этган.
«Нефтчи» клуби ва фарғоналик футбол мухлислари Стипе Перицанинг жамоа шарафини муносиб ҳимоя қилишига ишонч билдирмоқда.
