«Вилярреал» клуби дарвозабон Петер Гулачининг трансферини расман эълон қилди.
Венгриялик 39 ёшли кипер «Лейпциг»дан 2 миллион евро эвазига «сариқ субмарина» сафига қўшилди. Петер янги клуби билан икки йиллик шартнома имзолади.
Гулачи фаолиятининг энг ёрқин даврини «буқалар» клубида ўтказди. У 11 мавсум давомида жамоа шарафини ҳимоя қилиб, барча мусобақаларда 362 та учрашувда майдонга тушган.
Шунингдек, тажрибали дарвозабон турли йилларда «Залцбург», «Транмир Роверс», «Ҳалл Сити» ва «Ливерпул» клублари сафида ҳам тўп тепган.
Шунингдек, у Венгрия миллий жамоаси таркибида 58 та ўйин ўтказган.
