Италиянинг «Милан» клуби янги аъзоси Гонсалу Рамуш жамоанинг собиқ форварди Златан Ибраҳимович билан учрашув ҳақида гапириб берди. Айни пайтда швециялик клуб эгаларининг маслаҳатчиси сифатида фаолият олиб бормоқда.
«Мен Златандан алоҳида кўрсатмалар олганим йўқ. Биз ёқимли суҳбат қурдик, у мени жамоада қарши олди. Шундай афсонага мурожаат қила олишим мумкинлиги, у томонидан қўллаб-қувватланишим мени қувонтиради», - дея форвард сўзларидан иқтибос келтирди Football-Italia нашри.
Эслатиб ўтамиз, Рамуш шу йил ёзда Франциянинг «ПСЖ» клуби сафидан 74 миллион евро эвазига «Милан»га кўчиб ўтди. 25 ёшли португалиялик «россонери» билан 2031 йил июнига қадар битим имзолади.
