«Барселона» ҳужумчиси Рафинянинг шартномасини имкон қадар тезроқ узайтиришни истамоқда. Бразилиялик футболчи янги келишув бўйича принципиал розилигини билдирган.
El Nacional хабарига кўра, Саудия Арабистони клублари Рафиняга «Барселона» таклиф қила олмайдиган даражадаги маош беришга тайёр. Шу сабабли футболчининг атрофидаги вакиллар янада манфаатли шартларни кутмоқда.
«Барселона» спорт директори Деку Рафинянинг ушбу мавсумдаги формаси футболчига музокараларда кучли позиция бераётганини тушунмоқда. Бош мураббий Ҳанс-Дитер Флик эса Саудия клублари футболчини ўзига оғдириб кетмаслиги учун шартнома масаласини имкон қадар тезроқ ҳал қилишни сўраган.
Маълумот учун, 29 ёшли Рафинянинг «Барселона» билан амалдаги шартномаси 2027/28 йилги мавсум охиригача амал қилади.
