«Эспанёл» ҳужумчиси Роберто Фернандес «Барселона» қизиқиш билдираётган футболчилар рўйхатидан жой олди. Бу ҳақда инсайдер Экрем Конур ижтимоий тармоқларда маълум қилди.
Манбага кўра, 24 ёшли испаниялик футболчи «Барселона» бош мураббийи Ҳанс-Дитер Фликнинг талаби билан клубнинг эҳтимолий трансферлари рўйхатига киритилган.
Фернандеснинг трансферига Италиянинг «Фиорентина» ва «Комо» клублари, шунингдек, Англиянинг «Ҳалл Сити» жамоаси ҳам қизиқиш билдирмоқда.
Ҳужумчининг «Эспанёл» билан шартномаси 2031 йил июнигача амал қилади. Тransfermarkt футболчининг бозор қийматини 10 миллион еврога баҳоламоқда.
Маълумот учун, Фернандес ушбу мавсум Ла Лигада 6 та баҳсда майдонга тушиб, 6 та гол урган.
