Пролига 24-туридан ўрин олган баҳсда БухДУ «Пахтакор-2»ни 3:0 ҳисобида мағлуб этди. 13-дақиқада Акобир Тўраев ҳисобни очди. 83-дақиқада Аҳрор Муродов устунликни оширди, орадан уч дақиқа ўтиб эса Тўраев дубл қайд этди.
«ҚМУ Жайхун» ва «Республика ФА» ўртасидаги баҳс 2:2 ҳисобидаги дуранг билан якунланди. Абдулвосид Солиев 9-дақиқада, Асилбек Абдурасулов эса 31-дақиқада меҳмонларни олдинга олиб чиқди. 78-дақиқада Асадбек Мустафақулов фарқни қисқартирди, 90+4-дақиқада Максет Калбаев «Жайхун»га дуранг келтирган голни урди.
Ушбу натижалардан сўнг «Республика ФА» 30 очко билан 9-ўринда, «ҚМУ Жайхун» 24 очко билан 11-ўринда бормоқда. БухДУ 16 очко билан 12-ўринни, «Пахтакор-2» эса 13 очко билан 13-ўринни эгаллаб турибди.
Пролига. 24-тур
Пахтакор-2 — БухДУ 0:3
Голлар: Тўраев 13, Муродов 83, Тўраев 86.
ҚМУ Жайхун — Республика ФА 2:2
Голлар: Мустафақулов 78, Калбаев 90+4 — Солиев 9, Абдурасулов 31.
