«Барселона» ва «Ювентус»нинг собиқ футболчиси Артуро Видал италиялик мутахассис Антонио Конте ҳақида фикр билдирди. Унинг фикрича, Конте Турин клубини яна совринлар учун курашадиган жамоага айлантира олади. Бу ҳақда La Gazetta delo Sport хабар берди.
«Конте тактик жиҳатдан ажойиб мутахассис. «Ювентус» мухлислари унинг қайтишини истаётгани мени ажаблантирмайди. Антонио рақибни доимо синчиклаб ўрганади ва шогирдларига майдонда нима қилиш кераклигини тушунтиради. Унда ғолиблик менталитети бор. Конте «Ювентус»га ғалаба руҳини ва совринларга бўлган иштиёқни қайтара олади», — деди чилилик собиқ футболчи.
Маълумот учун, Конте фаолияти давомида «Ювентус» ва «Наполи» каби Италия клубларини бошқарган. Унинг сўнгги иш жойи «Наполи» бўлган.
Эслатиб ўтамиз, италиялик мутахассис айни пайтда ҳеч бир жамоада ишламаяпти.
