«Barselona» va «Yuventus»ning sobiq futbolchisi Arturo Vidal italiyalik mutaxassis Antonio Konte haqida fikr bildirdi. Uning fikricha, Konte Turin klubini yana sovrinlar uchun kurashadigan jamoaga aylantira oladi. Bu haqda La Gazzetta dello Sport xabar berdi.
«Konte taktik jihatdan ajoyib mutaxassis. «Yuventus» muxlislari uning qaytishini istayotgani meni ajablantirmaydi. Antonio raqibni doimo sinchiklab o‘rganadi va shogirdlariga maydonda nima qilish kerakligini tushuntiradi. Unda g‘oliblik mentaliteti bor. Konte «Yuventus»ga g‘alaba ruhini va sovrinlarga bo‘lgan ishtiyoqni qaytara oladi», — dedi chililik sobiq futbolchi.
Ma’lumot uchun, Konte faoliyati davomida «Yuventus» va «Napoli» kabi Italiya klublarini boshqargan. Uning so‘nggi ish joyi «Napoli» bo‘lgan.
Eslatib o‘tamiz, Konte ayni paytda hech bir jamoada ishlamayapti.
