Лондоннинг «Тоттенҳэм» клубида бош мураббий масаласи жуда нозик бўлиб турибди. Вақтинчалик бош мураббий Игор Тудор АПЛ 31-турида «Ноттингҳем Форрест»га имконият бой берилгач (0:3), отасининг дафн маросими туфайли Сплитга йўл олди.
Клубдагилар барчаси икки томоннинг ўзаро келишувига кўра, битимни бекор қилиш вариантига қараб кетаётганини тахмин қилишмоқда. Шундай ҳолатда 47 ёшли хорват оилавий масалалар билан шуғулланиши, «Тоттенҳэм» — эса «жон сақлаш» учун курашига эътибор қаратиши мумкин бўлади.
«Тоттенҳэм» ва АҚШ миллий жамоаси собиқ кипери Кейси Келлер лондонликлар Маурисио Почеттинони ЖЧ-2026 арафасида АҚШ миллий жамоасини тарк этишга кўндириши мумкинлигига ишоняпти.
«У жаҳон чемпионатидан кейин жамоани тарк этишига ишончим комил. «Тоттенҳэм»га келадиган бўлсак, назаримда, муаммо Почеттинони ҳозирнинг ўзида АҚШни тарк этиб, Лондонга қайтишга кўндиришда. Мен бу амалга ошса ҳам ажабланмайман», — дея Келлер сўзларидан иқтибос келтирди Football London.
