Испания миллий жамоасининг собиқ ҳимоячиси Жерар Пике 2026 йилги жаҳон чемпионати финали олдидан ўз фикрлари билан ўртоқлашди.
«Футболда ҳар доим ҳам энг яхши жамоа ғалаба қозонавермайди. Аммо агар айнан жамоавий ўйин ҳақида гапирсак, Испания ушбу турнирнинг энг яхши жамоаси. Аргентина ҳам финалга мутлақо муносиб тарзда етиб келишди. Ўйлайманки, Испания ғалаба қозонади. Бу финал биз учун гербимизга иккинчи юлдузни қўшиш имкониятини беради», — дея Пикенинг сўзларидан келтиради AS нашри.
Маълумот учун, Испания ва Аргентина беллашуви Тошкент вақти билан соат 23:59да старт олади.
