Педри ўз туғилган шаҳри Тенерифеда жойлашган монастирлар биносини 2,5 миллион евро эвазига сотиб олди. Бу ҳақда Diario Sport нашри хабар берди.
Маълум қилинишича, «Барселона» яримҳимоячиси 1943 йилда қурилган ушбу иншоотни таъмирлаш ва унинг ўрнида меҳмонхона очишни режалаштирмоқда.
Кўчмас мулкнинг умумий майдони қарийб 9 500 квадрат метрни ташкил этади. Бино ичида 33 та хона ва 21 та ҳаммом, шунингдек, кутубхона, мажлислар зали, ибодатхона, боғ ҳудуди каби жойлар мавжуд. Иншоот уч қаватдан иборат.
Шартнома «Барселона» футболчисига боғлиқ бўлган Pedrineta SL компанияси орқали тузилган. Ушбу компания 2023 йилда шундай операциялар учун ташкил этилган.
Аввалроқ Ямал Шакира ва Пике яшаган 14 миллион евролик уйни сотиб олаётгани маълум қилинганди.
