Аргентина миллий жамоаси етакчиси Николас Отаменди «Ривер Плейт» билан шартнома имзолади. Бу ҳақда клуб матбуот хизмати хабар берди.
38 ёшли футболчи Португалиянинг «Бенфика» клубини тарк этиб, ватанига қайтди. Марказий ҳимоячи июл ойида эркин агент сифатида «қизил-оқлар» сафига бориб қўшилади.
Маълумот ўрнида, Отаменди «Бенфика»да 6 йил давомида тўп тепди. У фаолияти давомида «Манчестер Сити», «Валенсия» ва «Порту» жамоалари шарафини ҳам ҳимоя қилган.
Эслатиб ўтамиз, тажрибали футболчи бўлажак жаҳон чемпионати учун Аргентина миллий жамоаси якуний қайдномасига киритилган. У миллий жамоа сафида жами 130 та ўйинда иштирок этган.
