Аргентинанинг «Ривер Плейт» клубида инқироз давом этмоқда, Эдуардо Куде жамоа бош мураббийи лавозимини тарк этди.
Мутахассис жамоа Судамерикана кубогининг 1/8 финал босқичида «Индепендиенте Санта Фе»ни мағлуб эта олмаганидан кейин истеъфога чиқди.
Мураббийнинг истеъфосига олиб келган омиллар август ойи бошидаёқ пайдо бўлганди. Ўшанда Куде лавозимига ёпишиб олмаслигини ва клуб учун энг тўғри деб билган қарорни қабул қилишини айтганди.
Derbyderbyderby.it маълум қилишича, клуб мухлислари Рамон Диаснинг қайтишини қатъий талаб қилмоқда. Бироқ у клуб раҳбарияти тузган эҳтимолий номзодлар рўйхатига ҳам киритилмаган.
Аввалроқ Отаменди «Ривер Плейт» билан шартнома имзолагани маълум қилинганди.
