UFC енгил вазн собиқ чемпиони Чарлз Оливейра Жастин Гейжига қарши реванш жангини бирданига учта камар учун ўтказишни хоҳлаётганини билдирди.
«Мен айтганим шу: қочадиган жой йўқ. Яна бир нарса: мен иккита камар ҳақида айтган эдим, интернетда дарҳол шов-шув бошланди: «Иккита эмас, учта! Бу Оқ уй камари, енгил вазн чемпионлик камари ва BMF камари». Майли, учаласи ҳам баҳсга қўйилсин, ҳеч қандай муаммо йўқ.
Реванш жангини Бразилияда ўтказиш шарт эмас. Менга сана ва вақтни билиш учун битта телефон қўнғироғи кифоя.
Шунинг учун, агар UFC сенсация хоҳласа, бундан каттароқ сенсация бўлиши мумкинми?» — деди Оливейра.
Маълумот ўрнида, 2022 йилда Оливейра Гейжини биринчи раундда бўғиш усули билан мағлуб этган, аммо вазн меъёридан ошиб кетгани сабабли енгил вазн чемпионлик камаридан маҳрум қилинганди.
Аввалроқ Гейжи Топурияни техник нокаут эвазига мағлуб этиб, енгил вазнда UFC чемпионига айлангани маълум қилинганди.
