«Милан» ва «Ливерпул» собиқ яримҳимоячиси Сусо 32 ёшида футболчилик фаолиятини якунлашга қарор қилди. Бу ҳақда «Кадис» клуби матбуот хизмати хабар берди.
32 ёшли испаниялик футболчи ушбу клубда элчи сифатида фаолият олиб боради. Ўтган мавсумда Сусо Испаниянинг Сегундасида 27 та учрашувда иштирок этиб, 1 гол ва 3 ассист қайд этди. Шунингдек, унинг ҳисобида 4 та сариқ карточка бор эди.
Маълумот ўрнида, Сусо фаолияти давомида «Севиля», «Женоа» ва «Алмерия» клубларида ҳам тўп тепган. Испания миллий жамоаси сафида эса яримҳимоячи 5 та учрашув ўтказиб, гол ёки ассист муаллифи бўлмаган.
Аввалроқ Санти Касорла 41 ёшида футболчилик фаолиятини якунлагани маълум қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади