Ўзбекистон делегацияси Аичи-Нагоя-2026 Осиё ўйинларининг ўқ отиш баҳсларида тарихий натижа қайд этди. Бу ҳақда Ўзбекистон Миллий олимпия қўмитаси матбуот хизмати хабар берди.
Пневматик тўппончадан 10 метр масофага ўқ отиш дастурида иштирок этган Владимир Свечников финал баҳсида рақибларини ортда қолдириб, олтин медални қўлга киритди.
Эътиборлиси, бу Ўзбекистон учун ўқ отиш спорт турларида Осиё ўйинларида 32 йиллик танаффусдан кейин қўлга киритилган илк олтин медал бўлди. Шунингдек, ҳамюртимиз мусобақа давомида 244,3 очко жамғариб, Осиё ўйинларининг янги рекордини ҳам ўрнатди.
Шу тариқа, Владимир Свечников нафақат Осиё ўйинлари чемпионига айланди, балки ўзининг рекорд натижаси билан Ўзбекистон спорт тарихидан ҳам жой олди. Аввалроқ Шаҳзод Нурматов ва Собиржон Сафаралиев мусобақа чемпиони бўлгани маълум қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади