Ўзбекистон делегацияси 2026 йилги Осиё ўйинларида навбатдаги олтин медални қўлга киритди. Бу ҳақда Ўзбекистон Миллий олимпия қўмитаси матбуот хизмати хабар берди.
Каноэда эшкак эшиш бўйича аёллар ўртасидаги 200 метр масофага ўтказилган баҳсларда ҳамюртимиз Шоҳсанам Шерзодова юртимиз шарафини ҳимоя қилди.
Ўзбекистонлик спортчи финал баҳсида рақибларидан устун келиб, марра чизиғини биринчи бўлиб кесиб ўтди ва олтин медалга сазовор бўлди. Шу тариқа, Шерзодова Аичи-Нагоя-2026 Осиё ўйинлари чемпионига айланди.
Шоҳсанамнинг ушбу муваффақияти Ўзбекистон делегацияси учун мусобақадаги иккинчи олтин медал бўлди. Каноэда эшкак эшиш бўйича баҳсларда спортчиларимизнинг медаллар учун кураши давом этмоқда.
Аввалроқ Ўзбекистон эшкак эшувчилари яккалик, жуфтлик ва W4- дастурларида 4 та медални қўлга киритгани маълум қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади