Ўзбекистон делегацияси Аичи-Нагоя-2026 XX ёзги Осиё ўйинларида навбатдаги олтин медални қўлга киритди. Бу ҳақда Ўзбекистон Миллий олимпия қўмитаси матбуот хизмати хабар берди.
Кураш бўйича Ўзбекистон миллий жамоаси аъзоси Покизахон Камолиддинова -78 кг вазн тоифасида барча рақибларини ортда қолдириб, Осиё ўйинлари чемпионига айланди.
Ҳамюртимиз олтин медал учун кечган ҳал қилувчи беллашувда Жанубий Корея вакили Сумин Монга қарши гиламга чиқди. Камолиддинова финалда рақибидан устун келиб, фахр шоҳсупасининг энг юқори поғонасидан жой олди.
Қайд этиш лозим, Покизахон яримфиналда яна бир Ўзбекистон вакили Шоҳиста Назаровани мағлуб этиб, финал йўлланмасини қўлга киритганди. Назарова эса мусобақани бронза медали билан якунлади.
Шу тариқа, Покизахон Камолиддинова Аичи-Нагоя-2026 Осиё ўйинларида Ўзбекистон делегацияси ҳисобига яна бир олтин медални қўшиб қўйди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади