-55 кг вазн тоифасида рингга кўтарилган Самандар Олимов дастлабки босқичда таиландлик Кангпи Бохунтодга қарши баҳс олиб борди. Уч раунд давом этган жанг якунида ҳакамлар 2:3 ҳисобини қайд этди ва ғалаба таиландлик боксчига берилди. Шу тариқа Олимов Осиё ўйинларидаги иштирокини дастлабки босқичдаёқ якунлади.
-60 кг вазн тоифасида Ўзбекистон шарафини ҳимоя қилган Ситора Турдибекова эса турнирдаги илк жангида ветнамлик Ха Тхи Линга қарши рингга чиқди. Баҳс давомида ишончли ҳаракат қилган Турдибекова ҳакамларнинг якдил қарори билан 5:0 ҳисобида ғалаба қозонди.
Ушбу натижа Турдибековага Осиё ўйинларининг чоракфинал босқичига йўл олиш имконини берди.
