«Селтик» клуби яримҳимоячи Алекс Окслейд-Чемберлен билан шартнома имзолаганини эълон қилди.
Англиялик 32 ёшли хавбек Глазго клубига эркин агент мақомида келиб қўшилди. Келишув мавсум якунига қадар амал қилади. Шунингдек, яна бир йилга битимни узайтириш имконияти бор.
Окслейд-Чемберлен фаолияти давомида «Арсенал», «Ливерпул» ва «Бешиктош» жамоаларида ўйнаган.
Мерсисайдликлар билан ЧЛ, клублар ўртасида жаҳон чемпионати, Англия Лига кубоги ва УЕФА Суперкубогида зафар қучган.
